آنا صحيفه    تورکجه آرشيو     يوردنت حاقينده     لينکلر

                                                    صفحه اصلي     آرشيو فارسي     در باره ما     لينکها

او سَس کي کسيلدي آما بوغولومادي!

 محمدرضا آقاپور

حورمتلي  گوناز تي وي امکداشلاري!

ده يرلي آذربايجان تورک ميللتي!

 اؤنجه مينتدارليغيمي و ايچدن قارخان صميمي سايغيلاريمي گوناز تي وي نين امکچي گروپونا سونوب، آرديجا بير نئچه قونونو کي تاسف ايله فرصت اولمادي و يا بلکه فرصت وئريلمدي آذربايجان تورک ميللتي ايله دونکو وئرليشده پايلاشام بو ماجالدا آيني شکيلده گتيرمک ايسترديم. من بو قيسا يازيدا ساده جه و کسين اولاراق او قونولارا توخوناجاغام کي دوشونموشدوم و سؤيله نيشينه ايلقارلانميشديم. آما نه يازيق کي، سيسيم کسيلدي. مني بير ژورناليست اولاراق بونون آدين سانسور يوخ بلکه بير تکنيکي پروبلئم قويورام.

 من اؤنجه تام آذربايجان قورتولوش نامينه چابا گؤسترن قوروم-قورولوشلارا و اؤزه لجسينه حورمتلي احمدجينابلارينا، دکتر چهره گاني حضورلارينا، دکتر درختي، خشتي، بؤيوک رسول اغلو جنابلارينا و باشقا دوستالارا کي، بو قوتسال يولدا تمناسيز چابا گؤستريللر سايغي مي بيلديريب و اؤنلرينده ديز کؤچوره م. بو گونکو وئرليشده کي چئشيتلي قونولاردان تارتيش گئتدي بير ژورناليست اولاراق محض اؤز ايفاده مي چاتديرماق ايسترديم.

بايراق:

 بوؤيوک تورک ميلتتين آتاسي اولان آتاتورکو اؤرنک توتاراق و اونون ازمير ساواوشيندا تاريخي داورانيشي يونان بايراغي ايله باغلي اؤرنک توتاراق داورانيشيميزي آرتيق بير کيمليک بليرتجي ايله باشارماليييک. آتاتورک يونانليرا قاليب گلديکدن سونرا تورک اردوسوندان سان گؤره ن چاغ يونان بايراغين کي يئره سريلميشدي آياق تاپتاسي ايچين، نه تور داورانير؟ آتدان آشاغي يئنير اونو بورکوب و تعظيم ائديب دئيير: بايراغ بير ميللتين کيمليکي دير. هر بير ميللتين شرفي دير. اونا لايق اولان حورمتي و سايغيني يئرينه گتيريب و ميللتينين الينه چاتديرين.

حورمتلي احمد بي اولا بيلر کي او بايراغا سنين سايغين اولماسين و يا خود او قدر ايناناسان کي اونو ساده جه بير پارتيا بايراغي ساناسان. آما سنين اذنين يوخدور بير تورک کيمليکين داشييان بايراغا سايغيسيزليک گؤستره سن. او بايرغي کي سن قبول ائتمه يي حالا دوشونموسن، او قدر اؤزونون اؤزه ل و ابدي يئرين بوتؤولييه دک تاپيب کي هر حورمتسيزليک اونا گؤردوغون کيمي آذربايجان تورک ميلتينده بير طريق ايله اوتوپيسم و پلوراليسمه نده ن اولدو و سرت قرشيلاندي. همن او اينسانلار کي، سايغي ايله نئچه آيدير سيزله ياناشيبلار بير يارالي قافلان کيم سسلنديلر. من بوگون بير ژورناليست و ميللي فعال کيمي کي،يوزلر يازي و مقاله م بو نسگيله و آجيليغا معروض قالميش ديليميز و مدنييتيميزده ن آسيلي يازميشام، بير ايدمانچي کيمي و يا هر نه کي سيز ايسترسنيز، او بايراغي گونئي آذربايجان تورک ميللتينين قورتولوش بايراغي سانيب و اونا گؤستريلن هر حورمتسيزليي اؤزومه و باشقا وطنداشلارا سانيرام. حورمتلي قارداش! من بير نفر اولاراق ساده جه بير نفر، صالح بي ايلديريمين بايراغين قبول ائتمه ييره م آما اونا سايغيسيزليک گؤسترمک حاققين اؤزومه وئرمه ييده دوشونموره م. نيه کي ان آزي 4-5 نفر اونو بير شرف و کيمليک سينبولو کيمي تانيللار. او تورک بير مفکوره دن يارانيش قايناغين تاپيب. آما سيز بير بايراغا کي جاندان کئچميش گنجلريميز چوخ قوجامان ليقلا شئونيزمين باغريندا دالغالانديرديلار نه تور ياناشديز؟ من اونو سيزين تجربه سيزليک و دويغولو اولدوغونزون حسابينا قويورام. حورمت بسله مک و سايغي کولتورون گئرچکلشديرک. نئيه کي، آذربايجان تورک ميللتي گوجلو بير پتانسيل و گوجلو بير حافيظه يه ماليک دير.

 استقلال يوخسا فدراليزم؟

قارداشيم منيم ده يرلي ديلداشيم حورمتلي ميللت قايغيسين اوره ينه يئرلشديره ن جيناب، نده ن دکتر چهره گانيني چاليشيرسينيز بير فدرالچي کاراکتر ايله ميللته تانيتديراسينيز؟ هم سيزين و هم ميللتيميزين قوشقولارينا بوندان دورو  و آيدين جواب گؤزلوردوز. دکتر چهره گانلي اوجا سسيله و اوچ کره دال-بادال دئدي کي استقلال استقلال استقلال. بو نه دئمک دير؟ هاچان هايقيردي فدراليزم؟ نده ن تاکتيک ايله استراتژينين آنلامين دوشونموسوز يا دوشونوب بليرله تميسيز؟ من فدرال و ايران سؤزجوکونه حساسيتيم وار و او زامان کي چوخلاري اوتوروب و آوروپادا شرف قده حين استقلال ناميه قالديريديلار، چوخ جسارتله قازئته مده اؤزگورلوک مارشين، استقلال هارايين باغيريرديم. کسين وار دوستلار کي منيم آرشيويم اونلاردا وار. ايندي من و منيم پارتيام فدرالچي اولدومو؟ آمان آللاهيم!!! او گون کي گاموح-آت اولاراق برلينده و ارمنيستان سفيرليينين اؤنونده قارباغين شن نغمه سين هايقيريديق هاردايديلار او قارداشلار کي بيزي رد ائديللر؟ بودور ديالوگ؟ بو دور دموکراسي؟

 مهندس اماني:

او دوست کي گليب و مهندس اماني ايله اوتور ياناشدي دوغرودان هئچ بيليردي کي بو اينسان جوانليغينين شيرين چاغلارين اونون وارليغي ايچين توتساقلاردا ياشاديب. گلين صلاحيتسيز اولاراق ميللتيميزين کئشيگينده دورانلارا و ميللتچي ليي ديلده يوخ عملده گؤستره ن اماني لره سايغيميزي اولسون. اونا سن صاحاب چيخاجاکسانمي يوخسا فارس؟

 و سون سؤز دکتر محمودعلي چهره گاني

ان بؤيوک اينانج گوج تمسيلينده تانري در. اونوندا منتقيدي وار. اونوندا قارشيسيندا دايانانلار وار. اونودا به يه نميه نلر وار. هئچ بير سارسيلمادان و هئچ بير تخريباتا يول وئرمه دن اؤز قوتسال يولونا داوام ائت نيه کي، سن حاقسان و حاق قازاناجاقدير کسين. سنين ان بؤيوک سرمايه ن کي اونا قيسقانان چوخ، ميللت سئوگسيسين داشيماقدير. ميللت ايچيندن قارخان بيريسي سن.

او گون کي، آلمانيانين برلين شهرينده و گاموح-آت نين قورولتايندا اوجا سسيله ميللتيميزه سسلنيب و دئديم: اؤزومو سنه بير عسگر کيمي گؤروره م، بو گون داها بير کسين قرارلا بير داها دئييره م. من سنين عسگرين اولماغا فخر ائديره م. نه من بلکه هر بير آذربايجان تورکو سنين ياپيت لاريني اونودسا يازقلار اونا.  من  محض محمدرضاآقاپور اولاراق، آدين ژورناليست قوياسيز، ايدمانچي قوياسيز، آذربايجان تورکو و..... هر نه ، سؤزومو بوتور قورتاريرام:

عشق اوسون بوتؤو آذربايجان فيکرين داشييان هر بير کيمسه يه. عشق اولسون گونئي آذربايجان استقلاليت نامينه چابا گؤستره ن هر بير کسه. عشق اولسون آذربايجانين قاريش-قاريش سئوگي ايسين داشييان آلتين توپراغينا! عشق اولسون بوتؤو آذربايجان بايراغينا.عشق اولسون گونئي آذربايجان ميللي بايراغينا. عشق اولسون ميللي حرکتين ميلت ايچينده ن قارخان ميللي ليدري دکتر چهره گانيه.  

ده رين سايغي لاريله

2006-02-11