آنا صحيفه    تورکجه آرشيو     يوردنت حاقينده     لينکلر

                                                    صفحه اصلي     آرشيو فارسي     در باره ما     لينکها

http://sozumuz.blogspot.com/

سٶزوموز

مئهران باهاري

توركلر و گونئي آزربايجان`ين ديني تٶره نلرينين ديلي توركجه اولماليدير.

تعزيه و مرثييه ادبياتينين، بللى بير دؤورده٬ اٶزه لليكله پهلوى رئژيمى ايللرينده تورك ديلينين خالق آراسيندا ديرى و ايشله ك توتما و اونو قورومادا اولوملو رولو اولوبدور. آمما ايران ايسلام جومهورييتي قورولاندان سونرا بو دٶولتين سياستلري، تحميللري و حيمايتلري سونوجوندا، گونئي آزربايجان، قاشقاي يورد و آفشار يورد`ون بير سيرا بٶلگه لرينده توركلرين بو تٶره نلري فارس ديلينده ايجرا ائتمه يه باشلامارينا تانيق اولوروق.

تورك خالقينين ايسته ر جعفري (شيعه)، علوي (اهل حق)، سونني و ايسته ر باهايي و باشقا دين و مذهبلره باغلي تٶره نلري فارسجا ايجرا ائتمه سينين نه آنلامي و نه ده گره يي واردير. مذهبى و دينى مراسيم و تؤره نلر، تورك خالق مدنييتينين اؤنه ملى بير پارچاسيدير و ائله بونا گؤره ده٬ هميشه اولدوغو تكين خالقين اؤز و گئرچك فرهنگ و اينانجلارينى يانسيتماق قوللوغوندا اولماليدير. مذهبي، ديني و اٶته كي مراسيمدن اٶزه لليكله شيعه ليكله ايليگيلي اولانلاردان، تورك خالقينا٬ آزربايجانين ديلي و فرهنگينه ضرر وئرمك و يا بونلارى فارسلاشديرماق اوچون يارارلانماق٬ بوتونويله خوش قارشيلانماياجاق بير ايسته ك و تدبيردير. تورك خالقينين دينى و ميللى كيمليك و فرهنگى بير بوتوندور و بونلارين بيرينى، اٶزه لليكله ميللي كيملييني، اؤته كى ايله يوخ ائتمك قبول ائديلمه زدير.

فارس ايمامي شيعه ليك، تٶره مه سي اولان ويلايت-ي فقيه`ي ساوونماق و ديني و مذهبي وعظ و خطابه-تبليغلري فارسجا ايراد ائتمك، عئينن آريا راسيسمي و فارس شووئنيسميني مودافيعه ائتك كيمي، تورك ميللتي و آزربايجان و بو ايكيسينين اٶزونه خاص اولان تورك ايسلامي`نا قارشي و ضيددير. گونئي آزربايجان، قاشقاي يورد و آفشار يوردداكي شيعه عئلمييه حٶوزه لري (حوزه هاي علميه)، و فارس ايمامي شيعه ليكله اوندان تٶره نه ن ويلايت-ي فقيه`ي مودافيعه و تبليغ ائده ن و يا اٶز وعظ و خطابه لريني فارسجا سٶيله يه ن تورك شيعه روحانيلري، گئرچكده فارسيستان ايستئعمارينا باغلي  و فارسيستانين مذهبي ميسيونئرلري اولاراق گٶرولمه ليديرلر.

فارس ديللي مذهبي و ديني تٶره نلر، خالقيميزين تاريخى و فرهنگينه ياد و ياغيدير. دٶولتين ايجرا ائتدييي آسيميلاسييون سيياستلري ايله و ياراتديغي محدودييتلر و زورلامالارلا يايقينلاشديرماق ايسته دييي آزربايجاندا ديني مراسيمي فارسجا ايجرا ائتمك آخيمينا شيددتله قارشى قويولماليدير. عرب ديلى بير آنلامدا خالقيميزين دينى ديلى اولسا دا٬ بيزيم ميللى ديل توركجه دير. تورك خلقي و گونئي آزربايجان، آفشار يورد و قاشقاي يورددا بوتون دينى تٶره نلر توركجه اولاراق گئرچكله شه بيله ر و گئرچكله شمه ليدير ده. اٶزه لليكله محررم آيينداكي مراسيم و سيرا دسته لرينده اوخونان تعزيه و شئعرلرين و شبئه اويونلاريندا سٶيله نه ن سٶزلرين موطلق شكيلده توركجه اولماسينا، ديققت ائتمك و اٶزه ن گٶسته رمك و ديني مراسيملرده هئچ بير شكيلده فارسجاني ايشله تمه مك، بو قارشي قويمانين يوللاريندان بيريدير.

بو باغلامدا، تورك تعزيه انستيتوسو و يا اونا بنزه ر بير درنك-قورومون قورولماسى٬ هم تورك خالقى و آزربايجاندا تعزيه مراسيمينى آراشديرما باخيميندان و هم توركجه يازيلميش اونلارجا٬ يوزلرجه تعزيه كيتابى و جونگلارى بير يئره توپلاييب و چاپ ائتمه لرى اوچون گره كلي گؤرونور. بو قوروم، ديني ادبييات آلانيندا اثرلر ياراتميش بؤيوك اوستادلارين ياپيتلاريني توپلاماقدا، اونلاري يئنيدن چاپ ائده ره ك٬ توركجه تعزيه ادبيياتينين و ديني تٶره نلرده سؤيله نه ن٬ اوخونان توركجه شئعرلرين كيفييتنين دوشمه سينين قاباغينى آلماقدا دا يارارلي ايشلر گؤره بيله ر. بو قوروم اصيل توركجه تعزيه شئعرلرينى دوزگون اليفبا و يازيملا چاپ ائديب و مذهبى هئيتلر٬ عزادارليق دسته لرى٬ مدداحلار٬ سوخنرانلار٬ نووحه خوانلار٬ واعيظلر و ....يه داغيتماليدير.

بو قورومون حؤكمن غئير-ى دؤولتى اولماسى دا گره كليدير، چونكو اونون تمل گٶره وي، دٶولتين تورك خالقي و گوئني آزربايجانين ديني ديلينين فارسجايا چئويرمه تدبير و سيياستلرينه قارشي قويماقدير .

گئرچه يه هو!!!!